Rafa Fernández, guitarra eléctrica e composición

Lara Dopazo, voz

Adriana Páramo, videocreación

Virxilio da Silva, guitarra eléctrica

Álex Salgueiro, teclados

 

SINOPSE:

Seis foron os poemas que Federico García Lorca fixo en galego, e “SEIS” é o nome deste proxecto que pretende homenaxear este fito da literatura en Galicia; que o mellor poeta contemporáneo e un dos máis grandes poetas da lingua castelá de todos os tempos, escollese o idioma galego para facer a única incursión poética nunha lingua allea, nun tempo no que o galego provocaba indiferenza no mellor dos casos.

 

“SEIS” é un proxecto audiovisual onde a música en directo composta para a ocasión de carácter ambiental con guitarra eléctrica e videocreación en vivo, crearán una atmosfera onírica e suxestiva mentres a obra de Lorca é recitada. Deste xeito, música e imaxe acompañarán a palabra do poeta, ofrecendo ao espectador un achegamento diferente a esta xoia da literatura.

 

Xénero: espectáculo multidisciplinar con poesía, música e visuais

Idioma: galego

Idade recomendada: adulto

Duración: 60 minutos