3 Premios María Casares 2021 a mellor actriz protagonista, dirección e iluminación

Premio ao Mellor Espectáculo no FETEGA 2021

Premio da MIT de Ribadavia 2021

 

DANZA

 

Compañía: Marta Alonso Tejada Traspediante (en coprodución co Centro Coreográfico Galego)

Espectáculo: BAILAR AGORA

Xénero: danza

Dirección e interpretación: Marta Alonso Tejada

Coreografía e moviemento: Victoria P.Miranda

Creación: Victoria P. Miranda, Pablo Reboleiro e Marta Alonso Tejada

Asistencia dirección e dramaturxia: Pablo Reboleiro

Asistencia movemento: Sergio Perol

Deseño de iluminación e espazo escénico: Laura Iturralde

Vestiario: Uxía P. Vaello

Espazo Sonoro e música: Xabier Bértolo

Produción: Manu Lago e Marta Alonso Tejada

Audiovisuais: Mila Ercoli e Ángel Sousa

Deseño gráfico: Paulina Funes – Visual Paulina Funes

Idioma: galego

Idade recomendada: público adulto

Duración: 75 minutos

Prezo: 10 €

 

Bailar agora é unha sorte de imperativo cara un posicionamento no presente, social e persoal, a través da danza. Un impulso por situarnos no tempo actual das cousas, con plena consciencia sobre o que estamos a facer e como estamos a vivir o aquí e o agora. A proposta sobre como facelo é clara: bailando. 

Nun mundo en constante precipitación, o tempo esgótasenos proxectándonos nun futuro que nunca chega.

Bailar agora propón unha atención no presente e no concreto, na carne e no movemento, no movemento que é pensamento, investigando unha linguaxe humorística e crítica a través do movemento e a través dunha proposta escénica de danza moi física.

Bailar agora pon en contacto á bailarina e creadora Marta Alonso Tejada coa bailarina e directora internacional Victoria P. Miranda.

Normas de organización e acceso ao recinto:

 

1. O despacho de billetes do auditorio pechará con estrita puntualidade cinco minutos antes da hora prevista de comezo do espectáculo, momento no que ademais se pecharán as portas de acceso ao recinto. Comezado o espectáculo, ninguén poderá acceder á sala. Solicítase a máxima colaboración anticipando a hora de chegada para evitar colas a última hora que produzan o atraso do comezo do espectáculo.

2. As entradas non vendidas anticipadamente, de habelas, estarán dispoñibles no despacho de billetes desde unha hora antes do comezo previsto para o espectáculo.

3. As portas de acceso abriranse 15 minutos antes da hora prevista do comezo do espectáculo.

4. As entradas mercadas no despacho de billetes serán asignadas pola organización. En caso de querer seleccionar unha localización concreta deberán utilizar o sistema de venda anticipada. Todas as butacas ofertadas contan con boa visibilidade. A organización non garante a autenticidade das entradas non adquiridas nos puntos de venda oficiais, polo que neste caso declina toda responsabilidade.

5. TODO o público  pagará entrada, independentemente da idade ou de ocupar ou non butaca. Non poderá acceder ao recinto ninguén sen entrada para poder computar a capacidade efectiva por razóns de seguridade e conforme ao Plan de autoprotección do recinto. A capacidade é única e compútase por persoas, non por butacas ocupadas.

6. Non se lle permitirá o acceso a quen presente unha entrada emendada, rota ou con indicios de falsificación. Non se admiten cambios nin devolucións.

7. A organización informa, nos programas editados para a difusión de cada programación, das idades recomendadas para determinados espectáculos, que solicitamos respecten na medida do posible de cara a garantir o seu bo desenvolvemento.

8. Ao entrar no recinto, o público, consonte á lei, pode estar suxeito a un rexistro. Non se permitirá a entrada de comida, bebida ou obxectos que poidan ser considerados perigosos polo organizador ou estean prohibidos pola normativa vixente. Resérvase o dereito de admisión.

9. Nos espectáculos programados quedan reservados todos os dereitos de imaxe e propiedade intelectual. As persoas portadoras da entrada non poderán introducir cámaras de fotografar, de vídeo ou gravadoras; tampouco poderán, nin filmar ou gravar o espectáculo sen autorización escrita da organización; en todo caso, actuarase conforme aos acordos e a lexislación vixente que corresponda.