DOMINGO 25 DE FEBREIRO, ás 18:00 h:

* Roi Borrallas: “SOLO”

 

Xénero: clown e teatro con obxectos

Idade recomendada: a partir de 5 anos

Idioma: sen texto

Duración: 45 minutos

Prezo da entrada: 5 €. 

 

Ficha artística e técnica:

 

Idea orixinal: Roi Borrallas

Interpretación: Roi Borrallas

Deseño son e luz: Joan Cot Ros

Mirada externa: Joan Cot Ros

Voz en off: Julián González

Téxtiles: Mina Trapp

Deseño escenografía: Roi Borrallas

Fotos: Alex Griffin, Txus García y ACM

PREMIOS:

Premio Fetén 2023 á mellor interpretación 

Premio Zirkolika 2022 ao mellor espectáculo de pallasos 

Espectáculo recomendado pola Rede Nacional de Teatros

SINOPSE:

O hábitat natural de calquera pallaso é a escena, co seu público. Pero que pasa cando queda só? É no camerino onde se mestura a persoa e o personaxe. Onde se desdebuxa a liña que os separa. Un limbo que non é o escenario nin a vida real. É nesa fronteira onde ten lugar este espectáculo. Pasen e vexan a trastenda deste artista, as súas ideas e tolemias. Vexan como se defende da soidade e a rutina con imaxinación e humor. Pasen e vexan o que ninguén ve. Unha persoa ante si mesma. Un actor sen público, un pallaso cando ninguén o observa.

 

ESPECTÁCULO

SOLO é un espectáculo onde se combinan monicreques, manipulación de obxectos, máscaras e sobre todo comicidade. Ideal para localizacións íntimas tanto en exterior como interior. Un espectáculo onde a cuarta parede está representada por un marco de espello que separa ao artista da audiencia. A través do cal poderán ver a este personaxe dando renda solta á súa imaxinación. Coreografías faciais, máscaras con escuma de afeitar, óperas épicas… son algunhas das ferramentas que utiliza esta peza para, a través do humor, falar da soidade e das máscaras que todos nos poñemos a diario.