Autoría e Dirección : Artur Trillo

 

SINOPSE:

Voa, voa! é un espectáculo dirixido especialmente ao público infantil 

pero para gozar en familia, para divulgar e relembrar a arte de 

xogar coas palabras. 

Todas as tardes despois de merendar Xoana baixa xogar ao parque. Alí 

coincide con Anxo, un neno introvertido que prefire estar na casa vendo 

a tele. Pouco a pouco vai entrando nos xogos que lle propón Xoana, todos 

aqueles xogos que lle ensinou a súa avoa.

Unha montaxe na que se propón recuperar ditos, retrousos, xogos de man,...toda unha relación de ditos populares centrados nestas pequenas rimas que perduraron xeración tras xeración e que se foron transmitindo de xeito oral. Un espectáculo para incentivar o xogo pero, sobre todo, para incentivar ás familias (nais, pais e especialmente ás avoas e avós) a indagar na súa memoria para recuperar e transmitir os seus xogos da infancia e o vocabulario que se empregaba. 

 

Xénero: teatro

Idioma: galego

Idade recomendada: familiar, recomendado de 6 a 11 anos

Duración: 50 minutos